Bo día a todas e todos, tendo en conta as
características excepcionais deste momento que estamos a vivir e coa fin de
garantir que os nenos e nenas poidan continuar coa súa formación académica,
elaborei unha proposta de traballo diario que espero que vos sirva de axuda e
que irei enviando a través da aplicación ClassDojo.
A
idea da mencionada proposta é principalmente que os nenos/as non perdan o
hábito de traballo, a rutina e sobre todo as ganas de aprender; por isto
gustaríame recalcar a importancia de manter un horario diario e un lugar
concreto para que fagan as súas tarefas.
Por
suposto, sendo unha proposta, cada un adaptará a mesma as súas posibilidades xa
que a finalidade desta é facilitar actividades concretas de reforzo de aspectos
traballados ou iniciarse en outros. Quero facervos chegar ademais, que tal como
recollen as instrucións da Xunta, estas actividades non serán avaliables.
Para
ter unha vía de comunicación que nos poida axudar na resolución de dúbidas, facilítovos
un correo electrónico.
De
tódolos xeitos, tamén vos podedes poñer en contacto comigo a través da
aplicación ClassDojo. Non dubidedes en contactarme para calquera dúbida,
aportación, idea e mesmo para solicitar algún traballo personalizado ás
necesidades dos vosos fillos/as.
Moitas
grazas de antemán pola implicación e espero que entre todos rememos na mesma dirección
e fagamos que a repercusión nos nosos nenos sexa a mínima posible.
Un saúdo.
Ningún comentario:
Publicar un comentario